BAREKI BAO BA LEBANTŠWEGO
Ditšweletšwa tša NEF di ikemišeditše go thekga Molao wa BEE wa Nomoro ya 53 wa 2003, Leano la BEE la Kakaretšo la Mmušo wa Afrika Borwa le dikarata tša meputso tše amegago. Karolo ya NEF ya Dikema tša Sehlopha le Bokgoni bja Kgwebo di ikemišeditše go fa thekgo go ditsebi tša kgwebo ka go lefapha la kgwebo le le nnyane le la magareng le go godiša tšwelopele ya kgwebo. Go tlaleletša, e fa letlotlo go thuša tšwetšopeleng ya setšhaba le diprojeke tša magaeng. Gape e nyaka go hlatloša setšo sa peeletšo ya tekatekano le dipoloko gareng ga Batho bao ba Hlokišitšwego Peleng (HDP) ka mananeo a mehutahuta.
SETŠWELETŠWA
Go rekiša
Thekga phihlelelo ya BEE go rekiša letlotlo kudukudu go Alt X
Nolofatšo ya BEE
Aba thekišo go dithekišo tša BEE
Kgonthišiša gore go ba le dišere ga BEE go a šala
Nolofatša menyetla ya dipeeletšo ya BEE
Ditebanyo
Dikhamphani tša BEE tšeo di hlomilwego le Dikgoro tša Mmušo tšeo di nyakago tekatekano ya go beya diphahlo tša BEE
Diprojeke tša Leano
Tekatekano ya go beya diphahlo tša BEE
Tekatekanothwii ka go diprojeke tše dikgolo
Moahlodi wa phetošo wa NEF le tiragatšo
Thekgo ya Ditsebi tša Kgwebo
Aba letlotlo bjalo ka selo se bohlokwa sa theransekešene
Tirišano le Lefapha la DFI le la Setšhaba
Peeletšo ya Kgwebo ya BEE
Fa setšhaba sa BEE go ingwadišetša dišere ka phokoletšo
Karolo ya leano la ext ya NEF go dipeeletšo tšeo di ngwadišitšwego
Thekgo ya Magaeng le ya Setšhaba
Nepo go tlhabollo ya setšhaba
Dirišana le mekgatlo ya bokgoni
Dikhamphani tša Sekhwama sa Basadi ka ga Bokamoso
THEKGO YA DITSEBI TŠA KGWEBO
Maikemišetšo a Thekgo ya Ditsebi tša Kgwebo ke go hlohleletša setšo sa botsebikgwebo magareng ga Batho bao ba Hlokišitšwego Peleng (HDP's) go thuša kgolo ya dikgwebo tša Batho bao ba Hlokišitšwego Peleng le go nolofatša phetogo dikgwebong tša Batho bao ba Sego ba Hlokišwa Peleng le tšeo di sepetšwago ke bona.
DIPEELETŠO TŠA KGWEBO TŠA BEE
Maikemišetšo a Dipeeletšo tša Kgwebo tša BEE ke go tšwetšapele setšo sa go boloka le go beeletša. Lenaneo la BEE la Dipeeletšo tša Kgwebo di tla šupa menyetla ya maleba go hwetša tekatekano ka go dikhamphani tšeo di ngwadišitšwego le JSE le go – rekiša dišere tše go HDP ka phokoletšo. Se se tla dirwa ka tirišano le dikhamphani tšeo di lebantšwego le dihlopha tša maleba tša BEE, e bile di tla balwa go dikhamphani tšeo di lebantšwego ke karata ya meputso ya BEE le go thuša go tiiša tirišano le BEE.
TLHABOLLO YA MAGAENG LE YA SETŠHABENG
Maikemišetšo a Tlhabollo ya Magaeng le ya Setšhabeng ke go kaonafatša phihlelelo go thekgo ya ditšhelete le ditirelo tša thekgo ya kgwebo go maloko a setšhaba ao a hlokišitšwego le go amogwa. Nepo e go go thekga setšhaba le diprojeke tša go hlabolla magaeng, kudukudu tšeo di amago dihlopha tša basadi, bafsa le digole. Se se tla kgonthišiša phetogo ya nnete ya fase mafelong ao a phaetšwego thoko ekonoming peleng.
DINYAKWA TŠA GO BA LE MASWANEDI A GO HWETŠA THEKGO YA GO TSEBA KGWEBO
Thekgo ya Ditsebi tša Kgwebo e tla thuša Batho bao ba Hlokišitšwego Peleng (HDP). Batho bao ba Hlokišitšwego Peleng ke batho bao ba tlaišegilego ka kgethollo ye e sego ya loka ka lebaka la morafe wa bona ka fase ga kgethollo, e bile ke lereo la kakaretšo la Bathobaso ba Afrika Borwa (Bathobaso, Makhalate le Maindia).
Thekgo ya Ditsebi tša Kgwebo e tla fa dikgwebo tšeo di nago le go kgatha tema kudu ga Batho bao ba Hlokišitšwego Dibake Peleng bonyeng le taolong ya kgwebo. Bakgopedi ba swanetše go kgona go bontšha go kgatha tema ga mmakgonthe go go tšea diphetho dibotong, khuduthamageng, maemong a taolo le a tshepedišo.
Go swanetše go ba le kakanyo ya kotsi ya nnete ka Batho bao ba Hlokišitšwego Peleng gore ba kgone go kgatha tema ka putsong. Ka mantšu a mangwe, go phela ga Batho bao ba Hlokišitšwego Peleng go swanetše go kgomaganywa le go šoma ga kgwebo. Ditsebi tša kgwebo gape di swanetše go bontšha go ba le seabe kgwebong, e ka ba ka tšhelete goba ka mokgwa o mongwe.
Thekgo ya Ditsebi tša Kgwebo e ka thekga dikgwebo tšeo gabjale e sego tša bathobaso goba go laolwa ke bona, fela ge go na leano la kakaretšo go kgonthišiša go kgatha tema ga mong/taolo ya go šoma ya Batho bao ba Hlokišitšwego Peleng ka gare ga nako ye e kwalago. Leano le le swanetše go akaretša magato a go laola ditebanyo tša phetogo tša khamphani, tlhabollo ya bokgoni, le phetišetšo, le go dira dikgoba tše diswa tša mešomo.
Thekgo ya Ditsebi tša Kgwebo e tla thekga peleng ditsebi tša kgwebo le dikgwebo tšeo di kgonago go bontšha go tšwelapele ga kgwebo. Di swanetše go bontšha gore kgwebo e ka phela ya ba ya atlega go fihlela ge e kgona go lefelamorago thekgo ya ditšhelete mabakeng a tlwaelo a kgwebo.
Thekgo ya Ditsebi tša Kgwebo e tla thekga fela ditsebi tša kgwebo le dikgwebo tšeo di obamelago melao ya Afrika Borwa. Dikgwebo tšeo di šomago ntle le dilaesentshe tša maleba le boingwadišo, goba di tlola molao o mongwe, di ka se thekgwe.
DINYAKWA TŠA MASWANEDI TŠA DITŠWELETŠWA
Bogolo bja peeletšo
Peeletšo e thoma go R250 000 go fihla go R1 million
Nepokgolo
Go nolofatša tlhomo ya dikgwebo tše diswa tša bathobaso le tša go laolwa ke bona tšeo di nago le bokgoni bja go ba dikgwebo tše nnyane/tša magareng tša tšwelopele
Go nolofatša kgolo le tlhabollo ya dikgwebo tša bjale tša Batho bao ba Hlokišitšwego Peleng le tša go laolwa ke bona ka go aba letlotlo la koketšol
Go nolofatša phetošo ya dikgwebo maemong a bong, go tšea diphetho le taolo, le go hlohleletša go ba beng ga bašomi ga go akaretša
Mehuta ya Mekgatlo ye e thekgilwego
Dikhamphani tšeo di sego tša ngwadišwa
Mehuta ya ditheransekešene tše dikgolo
Khwetšo ya didirišwa
Go thekga letlotlo la go šoma ka ditšhelete
Tšhelete ya go feta
Diponte tša tsošološo, go hira le go šoma
Peeletšo e šomiswa fela go thekga koketšo ya dikgwebo, e ka no ba ka khwetšo goba ka kago.
Mehuta ya dipeeletšo
Sekoloto (sa go šireletšwa le sa go se šireletšwe)
Tekatekano
Sekoloto sa go šireletšwa
Sekoloto sa go fetošega (fetošetšwa go tekatekano nakong ya ka moso)
Tekatekano ye e ratwago (baswaradišere bao ba ratwago ba lefiwa pele ga baswaradišere ba bangwe)
Tekatekano (ke gore dišere)
Sekolo sa go šireletšwa
Tekatekano ye e ratwago
Tekatekano
Mollwane wa tekatekano wa Batho bao ba Hlokišitšwego Peleng (go akaretša kabelo ya NEF)
Bonyane 75% ya tekatekano e swanetše go ba ya Batho bao ba Hlokišitšwego Peleng
Bonyane 51% ya tekatekano e swanetše go laolwa ke Batho bao ba Hlokišitšwego Peleng
Bonyane 26% ya tekatekano e swanetšwe go lebanywa go bong bja Batho bao ba Hlokišitšwego Peleng
Dipoelokakaretšo tša Tšhelete ye e Lebantšwego
%-20% ka ngwaga
%-20% ka ngwaga
% ka ngwaga
DIPEELETŠO TŠA KGWEBO TŠA BEE
Dipeeletšo tša Kgwebo tša BEE e ikemišeditše go tšwetšapele setšo sa go boloka le tekatekano magareng ga Batho bao ba Hlokišitšwego Peleng
Ka go šupa menyetla ya peeletšo ya tekatekano ye e lokilego le go e thekga ka lenaneothuto. Dipeeletšo tša kgwebo tša BEE di ikemišeditše go tsebagatša setšo sa tekatekano ya go boloka le dipeeletšo go Batho bao ba Hlokišitšwego Peleng
E tla kgontšha go kgatha tema ga kakaretšo ga batho ba Batho bao ba Hlokišitšwego Peleng go ba beng ba dikhamphani tša Afrika Borwa. Se se thuša go hlagiša legoro le leswa la babeeletši go JSE Securities Exchange
Dipeeletšo tša Kgwebo tša BEE e tla hlama le go phuthela ditšweletšwa tša peeletšo go fokotša ditefelo tša theransekešene, e bile se se tla fiwa Batho bao ba Hlokišitšwego Peleng ka phokoletšo
Ka lenaneo la tirišano le segwera le dihlopha tša maleba tša BEE, dikabelo tše bohlokwa tša tekatekano di ka hwetšwa dikhamphaning tšeo di šupilwego tša ba tša rekišetšwa batho ba Batho bao ba Hlokišitšwego Peleng tša ba tša feleletša ka maatlafatšo ya ekonomi ya kakaretšo.
TLHABOLLO YA MAGAENG LE YA SETŠHABA
Tlhabollo ya Magaeng le ya Setšhaba e kgontšha ditšhaba go hwetša dišere (tekatekano) ka protšeke ya go tsenya tseno yeo e tla feleletšago go tlhatlošo ya setšhaba mafelo ao a phaetšwego thoko ekonoming a peleng.
DINYAKWA TŠA GO BA LE MASWANEDI
Thekgo e gona go dihlopha tša go akaretša Batho bao ba Hlokišitšwego Peleng
Mekgatlo ya setšhabeng le dihlopha di na le maswanedi a thekgo
Tlhabollo ya magaeng le ya setšhaba e tla thuša peleng diprojeke tša dikholego tša tlhatlošo e maatla ya setšhaba. Se se ka akaretša go dira dikgoba tše diswa tša mešomo mafelong a ekonomi ao a phaetšwego thoko peleng
Tlhabollo ya magaeng le ya setšhaba e tla beeletša fela diprojekeng tšeo go nago le "nkgwete" ya protšeke le thekgo ye nngwe ka babeeletši goba baabi ba ditšhelete. Thekgo ya ditšhelete e tla išwa fela go karolo ya peeletšo ya setšhaba ya protšeke
Diprojeke di swanetše go dirwa gotee le modirišani yo a tsebjago ke NEF.
DINYAKWA TŠE BOHLOKWA TŠA GO BA LE MASWANEDI – TLHABOLLO YA MAGAENG LE YA SETŠHABA
Bogolo bja peeletšo
Nepokgolo
Go nolofatša go ba le seabe ga Batho bao ba Hlokišitšwego Peleng protšekeng yeo e tšwetšago pele tlhatlošo ya setšhaba, moo go ba mong go nyakegago le moo letlotlo la go tsenya tseno le tšweletšwago
Mehuta ya mekgatlo
Ga go na le mapheko go mohuta wa mokgatlo wo o thekgwago
Kabo ya ditšhelete ya go lekalekana
Go se akaretšwe mo go Itšego
Tlhabollo ya Magaeng le ya Setšhaba e ka se dire thekgo ya ditšhelete moo kabo ya dintlo e lego poelo ya protšeke.
KGATO YA 1
Lola dinyakwa tša thekgo ya ditšhelete tša kgwebo le go bontšha tlhago ya theransekešene yeo e tlo phethwago (go thoma, koketšo goba go rekela ka gare/go rekela ka ntle)
Kgaolo e nngwe le e nngwe e nyaka mothopo wa thekgo ya ditšhelete le ge e ka ba maitekelo a maswa, kgwebo ye e golago le kgwebo ye e lego gona e nyakago go dira phetošo ya bong. Legato la mathomo bjale ke go go bona gore ke thekgo e kaakang yeo e tlo nyakegago. Ge e le gore ke ya go nyaka go reka kgwebo ka pele goba go hwetša kabelo kgwebong, ke tšhelete e kaakang ye e nyakegago? Ge e le gore ke ya go thekga koketšo – ke tšhelete ye kaakang ye e nyakegago? Ge e le gore ke ya go thoma – ke tšhelete ye kaakang ye e nyakegago go thoma go ya tseno ya tšhelete ye e kgahlišago
KGATO YA 2
Botšiša potšišo: Naa theransekešene ye ya peeletšo e sepelelana le dinyakwa tša maswanedi?
Lenaneo la Thekgo ya Ditsebi tša Kgwebo la NEF le na le dinyakwa tša maswanedi tša go se tšeye bonolo. O kgopela go kgonthišiša gore wena le sehlopha sa gago le na le maswanedi go ya ka dinyakwa tša Thekgo ya Ditsebi tša Kgwebo ka ge di beilwe ka pukwaneng. Ge o se na maswanedi O SE KE WA DIRA DIKGOPELO
GE O NA LE MASWANEDI SEPELA GO KGATO YA 3
KGATO YA 3
Botšiša potšišo: naa theransekešene ye ya peeletšo e na le maswanedi ka fase ga dinywakwa tša setšweletšwa sa Thekgo ya Ditsebi tša Kgwebo?
Itlwaetše ditšweletšwa tša Ditsebi tša Kgwebo: Setsenyi, Seoketši le Sefetodi. Lekola gore ke setšweletšwa sefe seo e lego sona go e ya ka bogolo ya theransekešene yeo o e lebeletšego, mohuta wa kgwebo le dinyakwa tše dingwe tša maleba. Ge theransekešene ya gago ye o e akantšego e sa wele ka gare ga mellwane – O SE KE WA DIRA DIKGOPELO
Ge e le gore o na le maswanedi, re kgopela gore o tlatše kgopelo ye nnyane ya thekgo ya ditšhelete (bona Kgato ya 4)
GE O NA LE MASWANEDI SEPELA GO KGATO YA 4
KGATO YA 4
Romela kgopelo ye nnyane ya thekgo ya ditšhelete
Re dumela gore mokgwa o mokaone wa go thoma dipoledišano ke go kgopela setsebi sa kgwebo go romela kakaretšokopana ya kgwebo, go akaretša tshedimošo ye e nyakegago ya semolao le ya ditshwanelo. Se se akaretša tshedimošo ka botlalo ka ga kgwebo, beng, baetapele le taolo. Ka mayami, kgoelo yeo e sego ya felela e ka se lebelelwe go ya pele bjale o hlohleletšwa go kgonthišiša gore kgopelo ya gago e feleletše. Ka manyami re ka se tšeye tlhalošo ye itšego le wena go fihlela ge tshedimošo ye e fiwa. Re lekola kgopelo e nngwe le e nngwe e bile o tla hwetša poelo.
KGATO YA 5
Romela kgopelo ya go tlala ya thekgo ya ditšhelete
Ge kgopelo ya gago e fihlelela dinyakwa tša maleba tša dinyakego tša thekgo ya ditšhelete gape le theransekešene e nyalelana le mafapha a mehuta a ditšweletšwa, re tla dire tekolo ya mathomo ya monyetla go ya ka tshedimošo yeo re e hweditšego. Ge re bona gore monyetla ke wa bokgoni e bile o na le sebaka se sebotse sa go ka thekgwa ka ditšhelete re tla go go kgopela go romela kakanyo e Kgolo ya Kgopelo. Kakanyo ye ke Leano la Kgwebo le le feletšego leo le šomišwago go ela monyetla ka kakaretšo. Gape e go gapeletša go romela leano le legolo leo e phelago e le tiro e botse ya kgwebo e nngwe le e nngwe.
KGATO YA 6
Khuduthamaga ya go aba e tla bala kgopelo ya gago ya thekgo ya ditšhelete e kgolo ya ikgokaganya le wena ka dipotšišo le dikgopelo tša tshedimošo ya tlaleletšo. Go tloga fao re tla beakanya kopano.
